大難不死舉家還神
【本報訊】「拖都拖唔住，以後一定要抱佢過馬路……」賢仔母親對於兒子大難不死，感到十分好彩，形容是不幸中之大幸。由於兒子活潑好動，會吸取今次事件教訓，日後會抱着他過馬路。她又寄語天下父母，與年幼子女出街，必須拖緊他們，稍一不慎便會發生意外，抱憾終生。
賢仔母親在醫院憶述意外經過時猶有餘悸，「個仔被捲入車底，差少少就畀轆輾過，如果轆到咁就真係大件事」。她與丈夫均信奉佛教，兒子大難不死，相信是神明保佑，待兒子出院後，全家定會前往廟宇上香還神，叩謝神恩。
醫護人員為賢仔檢驗期間，其母一直在旁守候，並致電回公司請假，又致電女親友交代事發經過，女親友反過來叮囑她說：「都叫你睇實個仔，下次一定要抱住佢」。
男童父親到醫院探望。
母親陪同兒子送院治療。