如刀集：落區遇狙擊

煲呔曾除了起錨，幾乎不落區，特首民望便愈做愈低。CY有眼見，兼夾選舉時嘗過甜頭，便視落區如民望提款機。只是僭建問題未解決，「七一」上街又人數眾多，落區終於遇到狙擊。

前車之鑑，特首落區這碼事，當然做好過唔做。民意如何，特區官員眾多，本地媒體報道又不少，特首既有渠道又有媒介，就算唔落區都可掌握；但落區不獨是形象工程，以示關心基層，跟民間生活在一起，民眾只要親身接觸過，哪怕簡單如點個頭、握個手，也覺這個特首親民。

落區就算做騷也是好事，只是特首自身問題未解決，落區遇上激進團體圍堵，這反對聲音便未必無正當性。僭建問題，就是新界人也不服氣，幾個月前政府還限期叫人家書面承認自家有僭建物，身為測量師的特首，如今怎可能說聲「不知道、不記得」便解決。特首的僭建風波一日未解決，反對派便有理由衝擊官員落區，特首這落區大計，便成了落又死，唔落又死！

最弊的是CY做特首，民間認為是靠對手的僭建醜聞，CY現在被揭犯同樣失誤，就算有人相信只涉疏忽，不涉誠信，但僭建就是僭建，要拆得掂，談何容易。特首落區，如果是單純的反對派嗆聲，本來還覺特首迎難而上；只是民間如果覺得嗆聲有正當性，則不獨未能體察民情，更容易破壞形象。