SUN微博：打橫嚟講：狗屎，唔關我事

七一之後，香港特區政府新班子上場，氣象煥然一新，沒有了cheap曾那股濁臭難當的冤味，並多了歡樂氣氛。

話說新特首振英哥要展示親民之風，遂帶同新丁，那個熟悉環保而被徵召入伍的環境局局長「星爺」黃錦星，落區視察民情，與街坊真情對話，直接面對群眾，虛心聆聽訴求。

振英哥好唔話得，明知星爺怕醜膽小、無見過大場面經驗，就親自「提攜」佢上路，旁住佢首次出征，呢啲老細邊度搵？

有小市民（真係小的，是小朋友），投訴路邊多狗屎狗尿的問題，振英特首認為「民生無小事」，如此輕巧的提問，想讓星爺攞彩，叫佢回應，哈哈！星爺口窒窒的答：「呢個問題，唔關我事！」

小孩即說：「我又無話係你屙嘅！」

哈哈，好鬼好笑！

星爺再話：「咁啲狗屎係邊個屙㗎呢？」

哈哈！哈！「係一隻貓屙嗰囉！」有人答。

星爺奇怪：「乜隻貓通街屙狗屎？……咁無公德心㗎？」

哈哈！想死未？

好啦！上述笑話，乃二次創作，一半真一半假，好玩！

今後五年，此等搞笑開心事，肯定源源不絕，一掃特區十五年悲風淒雨的陰霾！

官員落區做戲，提供免費娛樂，不失為市民之福呢！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

email：sunweibo@opg.com.hk

「就係敢爆」網址tv.on.cc/hot