SUN微博:Sun畸事:永遠懷念
七一已過,貪曾終於夾着尾巴離開特首之位。此事本應全城慶賀,《Sun微博》編輯部中卻傳來哀嘆之聲……
榮少:貪曾,我好掛住你呀!
明哥:係囉係囉!之前多得佢日貪夜貪,又成日做埋晒啲神憎鬼厭嘅嘢,我哋先成日有惡搞對象咋!
小東:依家振英哥上台,佢形象又好又親民,大家都咁支持佢,香港無咗共同敵人,個社會點算呀?
駿爺:唔係呀!以後遊行示威無咗攻擊對象,港聞版多番詳和氣氛唔好咩?
鍾仔:以前貪曾係度,開會話要惡搞邊個,諗都唔使諗,依家新政府班子咁完美,政務司司長又咁有愛心,一定民望高企,我哋呢啲靠惡搞搵食嘅唔使撈啦!
大師:貪曾你唔好走呀......
(花生友如有對號入座,請食自己)