政壇：葉劉：落區預咗畀人抽水
政府新班子履新後第一擊就係落區，日前特首梁振英（CY）帶領部分官員落區聽意見，可惜喺屯門區遇到示威者衝擊，搞到現場秩序亂晒龍，新民黨主席葉劉淑儀講起件事時，直言：「任何落區都有風險，落區就預咗會畀人抽水！」
做局長時試過喺立法會停車被群情洶湧嘅示威者包圍座駕嘅葉劉淑儀氣定神閒咁解釋，落區接觸市民總會有風險，事關無可能七百萬人都認同你，而落區就預咗會畀人抽水，所以未必一定要落區，其實可以選擇直接聽取相關專業人士嘅意見喎。
其實CY當選之後，都唔係第一次落區，點知上任第一次落區就爆出畀團體衝擊嘅事，睇嚟佢同新班子落區之路都會面對好多挑戰。