政壇：方健儀客串廉署咖啡妹
廉政公署嘅咖啡可謂遠近馳名，尋日新任廉政專員白韞六履新，好多傳媒前往採訪，並有幸飲到過檔廉署新聞組無幾耐嘅前電視女主播方健儀（Akina）有份斟嘅廉署咖啡喇。
前主播幫舊同行斟咖啡，呢一幕都幾得意，有同業舉機影相留念，連佢前公司同事都影埋一份，搞到Akina好尷尬。白韞六就話，佢都未有機會試廉署咖啡，估唔到記者先佢一步嘗到廉署咖啡嘅味道。
白Sir去年離開入境處後，已放咗好多個月假，叉足電先返新工，不過尋日履新就因為交通問題遲到七分鐘，佢好均真話要遲十五分鐘先至會收工喎，希望佢查貪曾及其他貪污案件唔好遲就得喇。
方健儀由女主播變身廉署新聞組的職員，尋日幫舊行家斟咖啡。