SUN熱辣：因最低工資醒悟不公

消防員每周工作五十四小時的規定，沿用了多年，過往亦有要求爭取減工時，與其他紀律部隊睇齊的聲音，但一直沒有實則的行動表達不滿。導火線是去年五月一日實施的最低工資。原來，最低工資亦令消防員更加關注自身勞工權益，認為每周五十四小時的工時，違反平等原則，消防處職工總會遂與管理層多次會晤，希望每周工作時數減至四十八小時，惟至今得不到積極回應。

管理層施拖字訣

「由於消防嘅執勤方式與其他紀律部隊唔同，所以前線消防員返一日放兩日，即是工作二十四小時，休息四十八小時，每周總共工作五十四小時，時數是紀律部隊中最高，好似入境處，佢哋每周工時只係四十四小時，其他紀律部隊亦只係四十八小時，大家都係紀律部隊，咁對我哋好唔公平啫。」香港消防處職工總會副主席謝守龍無奈說，工會於上月與保安局、公務員事務局和消防處管理層「四方會談」，但至今管理層以先談減工時方案為由，未肯應允工會要求，落實邁向四十八工時的時間表或路線圖。