康泰旅行社逾五成控股權早前畀海南航空母公司海航集團購入，康泰太子爺黃進達（Jason）日前出席一個新書發布活動時，澄清唔係淡出旅遊生意，仲話家族飲水思源，一定唔會離開老本行，出售部分股權只為進軍內地旅遊業喎。
康泰依家喺深圳及廣州各有一間分公司，Jason話，嚟緊有意喺神州開更多分店，正與內地機構洽談中。除咗內地，佢哋集團新加坡旅遊近年亦爆紅，Jason啱啱遊覽完當地新落成嘅郵輪碼頭，大開眼界。佢盛讚該碼頭管理完善，空間廣闊，值得香港未來嘅郵輪碼頭借鏡喎。
黃進達早前到新加坡新落成嘅郵輪碼頭參觀，大開眼界。（受訪者提供）
