政壇：譚麗芬執番個桔升D4
前食物安全專員陳漢儀今個月中接任衞生署署長，新任食安專員、原來衞生署副署長譚麗芬早前已低調轉職食環署「繼位」，再次延續食安專員由女性出任嘅傳統，成為本港第三位女食安專員。之前有傳譚有機會擢升衞生署署長，雖然依家署長變專員，但其實都唔錯，至少D3（首長級第三級）變D4（首長級第四級），都叫做升職吖！
曾經借調過去食環署做助理署長嘅譚麗芬，對食環署工作有一定認識，但近排最為人談論嘅，係前衞生署署長林秉恩退休消息傳出後，外界一度流傳新署長係譚麗芬、陳漢儀與衞生防護中心總監曾浩輝三人之爭，結果陳漢儀跑出，依家譚麗芬接替陳漢儀做食安專員，果真世事難料。
新任食安專員、原來衞生署副署長譚麗芬