SUN微博：打橫嚟講：人才難求，一件都無！

候任特首豪宅僭建呢煲「杰」也！雖然佢行事比李小龍更快、狠、準的趁記者未殺到前，已將部分肯定違法的僭建物急速秘密處決，但反而惹來更大的聲討浪潮，話佢「毀屍滅迹」、「誠信破產」，甚至有議員動議譴責，及考慮提案特首呈請，推翻佢當選資格。

咁都未算「杰」，最弊連那批建制保皇友，皆借勢加害，唔幫拖仲要在傷口灑鹽，公開與新政府不和，咁你叫振英哥點算好呀！

孤掌難鳴，幾有本事都瞓低啦！呢壇嘢係一個險峻的政治考驗！文首話佢「杰」，除啲牛鬼蛇神借故抽水外，就係透過今次事件處理，反映振英哥身邊確實無人才。

唉！那個乜乜高永文、吳克儉、黃錦星，全部側側膊唔識在關鍵時刻護主，連羅范也窒口窒舌，前言不對後語，反叫記者直接去問梁生喎！請人返嚟食蕉o架？

有條中西區區議員陳捷貴仲失敗，話自己曾經在建築物上訴審裁處做嘢，指梁振英府第僭建無問題，點知被記者乘機追問梁府僭建地庫喎！死得！

仲有位張震遠失蹤多時，突然現身話佢做競選辦阿頭都不察覺梁府僭建，佢想將鑊氣攬上身，學足梁卓偉同譚志源口脗話佢有責任喎！

吓！你點樣負責法呢？辭職？連做箭靶、揸張紙皮幫主子擋箭都搞到一鑊泡，振英哥真「杰」！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

就係咁爆：一年容易又放榜

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot