SUN微博：周處女版：博士你係得嘅！
呢排吹得好行嘅建制派二五論，因為鼠王……唔係唔係，係梁美芬博士議員嘅橫額，又一次被證實。阿梁博士強烈要求新特首「除三害」，即係嗰啲咩通脹呀貧困率呀咁。不過咁，如果大家有聽過「周處除三害」呢個故事，都知道周處其實係一個惡霸，佢幫人打完老虎同蛟龍之後，仲搞掂埋自己，此之謂「除三害」。諗深一層，阿新特首又真係幫大家打咗幾隻大老虎，仲連「肥龍」都畀佢做低埋，咁阿梁博士係咪暗示叫阿新特首快手做低埋自己先？做得博士，無理由連咁淺嘅典故都唔識啩？做埋晒呢啲暗藏反意嘅舉動，阿梁博士，鬼馬啦你！
