SUN微博:Sun畸事:債務重組球賽
(足球台)歐國盃德國4:2壓過希臘。這邊廂,德國總理舉起招牌勝利手勢;那邊廂,希臘總統竟也舉起勝利手勢!
德國總理:我哋贏咗啦!11場不敗,我係八爪魚保羅!
希臘總統:我哋贏咗啦!債務重組萬歲!
德國總理:等我入更衣室賀一賀班球員先!
希臘總統:等我返希臘賀一賀班市民先!
德國總理:希臘你咁識做,歐盟實唔會虧待你。你講,你要借幾多?
希臘總統:我想借一千億歐元。
德國總理:呢個數冇問題!只要我哋贏到歐國盃的話。
希臘總統:咁即係點?
德國總理:即係我哋要贏到歐國盃,呢個數先冇問題囉。
希臘總統:咁要使幾多先贏到歐國盃?
德國總理:大概一萬億歐元啦!你一係為德國祈禱,一係就做啲實質啲嘢。
希臘總統:即係我借債係為咗欠債?!
德國總理:你哋好諗定下屆筆數啦。
希臘總統:咁搞法,即係我哋每四年都要負多十倍債……
德國總理:你有得揀咩?!你班歐豬!
(花生友如有對號入座,請食自己)