歐國盃：波牛愛K書？

歐國盃「波牛球星」胸無一點墨？未必！俄羅斯球星艾沙維在對希臘前「刨書」一幕，成為決賽周其中一個熱話。西班牙英雄沙比阿朗素贏法國賽前，據報亦在更衣室睇名著《人類群星閃耀時》，就連C朗拿度同巴洛迪利都屬「K書族」，邊個敢話足球員無文化？

C朗係史提芬京讀者

據西班牙傳媒報道，沙比阿朗素比賽前會「刨」奧地利作者茨威格名著《人類群星閃耀時》，因他在看這些名人的傳記時會精神放鬆，以沙比今屆的突出表現，似乎非常奏效！艾沙維早前在後備席睇村上春樹的《旋轉木馬的鏖戰》後，俄羅斯負於捷克慘情出局，艾沙維更惹上是非，可謂同人唔同命。

艾沙維與沙比阿朗素外表文質彬彬，愛睇書並不令人意外，但連巴洛迪利亦是「書蟲」實在令人意料不及，報道指「腦殘」非常喜歡《哈利波特》系列，莫非童心未泯？至於C朗的品味就認真獨特，他目前正拜讀恐怖大師史提芬京的《四季奇譚》，可能是想「化恐懼為力量」！