SUN微博：Sun畸事：公信第一？算數罷啦！

某自詡公信第一大報，曾踢爆花心大少的大宅僭建，最近卻被指可能厚此薄彼，淪為助打擊異己之狼狠妖器。總編林陣逃成眾矢之的，旗下編輯更欲效法西報做法，直接向林陣逃問責。

編輯明：我哋不嬲都係公信力第一，依家畀人笑我哋啦，你仲有咩說話好講？

林陣逃：我認我係做咗一個唔好嘅決定，錯估咗形勢。

編輯榮：既然我哋查到大少僭建，咁有咩可能會唔知梁仔都有份呀，仲唔係自我審查？

林陣逃：我只不過係唔想喺件事未有更多細節之前就報道啫。

編輯東：咁依家人哋都話咁快拆晒啲嘢，毀屍滅迹，都唔會再查到啲咩，你今日咪又大大個Ａ１報出嚟！

林陣逃：其實……件事唔係咁㗎！

編輯駿：咁係點先？

林陣逃：好似港台咁，我哋都會做定兩個版，分別插大少同梁仔，咁睇番當時個勢，點都撐梁仔啦，點知佢依家會成日畀人插，拖累埋我哋喎……

（花生友如有對號入座，請食自己）