政壇：余遠騁賣口乖博CY賞識

世界自然基金會香港分會氣候項目主管余遠騁，早前去咗應徵做下屆環境局副局長，佢尋日出席一個環保領袖論壇時就話，面試後至今都未收到進一步消息。雖然係咪獲聘仲係未知之數，但佢就賣口乖，讚候任特首梁振英嘅環保政策，係集合咗各環保團體意見嘅智慧成果。唔知呢番話會唔會增加佢獲聘嘅機會呢？

問到環保團體對環保政策好進取，如果佢做咗副局可能同政府起衝突，佢就話環保團體喺前線收集市民意見，又話新政府推行環保政策都會重視民意接受程度，所以認為唔會有矛盾同衝突。莫非佢暗示自己入政府冇問題？

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

余遠騁話面試環境局副局長後未收到進一步消息。