上月退休嘅前恒生銀行女大班梁高美懿,計劃喺今個月去澳洲打高球同參觀酒莊,但早幾日喺馬場見到佢同老公梁承達。問佢點解仲未去澳洲,佢話因為機票問題改咗期,可能要延期到囡囡出嫁後先至去。
雖然澳洲之行擱置,但梁太之前都去咗幾次短途旅行,好似上兩個星期先去完張家界,跟住又會去澳門,七月仲會飛泰國享受陽光與海灘添,實行大玩特玩。問到以上旅程係唔係二人世界?佢就話仲有大班老友一齊玩喎!
梁高美懿(右)同老公梁承達,近日頻頻度假叉電。