政壇：政商定格：股市累港富豪少17.4%
加拿大皇家銀行財富管理公司（RBC），夥拍凱捷管理顧問公司啱啱發表咗最新一份《世界財富報告》。據負責呢份報告嘅RBC亞洲市場主管陶士力話，香港舊年嘅高資產淨值人士（財富達100萬美元或以上）數目，大跌咗17.4%，跌幅係除咗印度之外最大，主要原因係舊年港股市值大跌咗16.7%。
嘩！跌得咁勁真係嚇一跳，但陶士力安慰話唔係單單股市影響嘅，歐元區危機對香港去年嘅出口都好大影響，令富豪人數因而大減。
咁中國又點呀？陶士力話表現OK，升咗5.2%，企穩全球第四。佢仲話中國去年實質GDP雖然跌至9.2%，但都係亞洲區內表現最好嘅其中一個嘞！
陶士力（圖中）話，中國是亞太地區去年富豪增長首次超越其他地區的原動力之一。圖左為凱捷亞太區副總裁Mark Wales，右為RBC財富管理及信託香港主管Simon Ng。