有薪侍產假立法拖延捱轟

【本報訊】政府明確表示傾向立法推行有薪侍產假，但由於勞工顧問委員會勞資雙方仍未有共識，當局將搜集更多資料，今年第四季再提交勞顧會討論，達成共識後始展開立法工作。

勞工界議員指社會對推行侍產假已早有共識，批評政府藉詞推搪，拖延立法，商界則要求政府先詳細評估對僱主的影響。

枝葉問題藉詞推搪

立法會人力事務委員會昨討論設立法定侍產假，勞工處早前委託人力資源顧問估算，若香港推行三至五日有薪侍產假，每年開支介乎一億四千萬元至二億四千萬元，佔總工資額百分之零點零二至零點零四。勞工處處長卓永興表示，政府傾向立法，但上月初諮詢勞顧會意見時，僱主代表對立法建議有保留，當局會再搜集更多資料於今年第四季再交勞顧會討論。

勞工界議員批評政府拖延立法，勞工界議員李鳳英直斥政府是藉詞推搪，「純粹係枝葉嘅問題，如果原則上肯做嘅，就應該有一百條道理你都講得通同解決得到，你唔肯嘅亦有千萬個理由，點解公務員事務局已經行先咗一步，其他機構就行唔通？」

工黨主席李卓人亦對立法進度表示失望，「我個女兩歲嗰時已經開始爭取，佢依家已經二十一歲喇，呢啲咁嘅法例，個影響咁少都要講咁耐，其實大家睇到係蝸牛式發展！」工聯會潘佩璆批評「靠企業良知推行有薪侍產假，等於想老虎食齋，根本係妄想！」