SUN世代：蜘蛛俠捉魚騎呢刺繡顯母愛

「我老公寵壞咗我，其實你應該訪問佢，容忍我飛到咁遠學刺繡﹗」雖當年Mimi放下家庭，遠赴英國求學，但在其刺繡教室遊走一圈，不難發現她如何重視家人。教室當眼處放着一幅怪怪的刺繡，捉魚的蜘蛛俠。製作如此偏鋒的作品，全因為︰「阿仔鍾意蜘蛛俠嘛﹗」

Mimi每幅刺繡不但由她一針一線精製而成，當中更有她對家人的愛貫連針線之間。家人是她創作泉源，曾用刺繡臨摹細女的相片、大女的水彩畫和丈夫偶像占士甸，「咁我唔可以偏心o架，就為阿仔整蜘蛛俠，但我又唔想佢捉賊喎，咁就捉魚啦﹗」

媽媽的愛成就出這幅奇怪但精緻的刺繡，立體蜘蛛俠身上肌肉凹凸有致，撒出巨網，困住無數魚兒，刺繡技巧之複雜，令人嘆為觀止。英國婦女做刺繡，大多以花草樹木、小橋流水作題材，難怪老師直言︰「從未見過如此怪誕的東西！」但當旁人知道這位媽媽的心思，無不會心微笑。