SUN微博：（足球台）歐國盃go go go !

女人的偽問題

女人，每逢去到世界盃、歐國盃呢啲足球盛事，總會走嚟阻住男人睇波，猛咁舌累個男人：「你揀足球定揀我？」喂，個男人娶得你，代表佢已經將佢下半世嘅自由交（膠）咗畀你，咁佢唔係一早揀咗，就已經放棄咗去揀。佢都冇選擇咯，你仲問佢「揀邊個」？不過，阿「老婆大人」其實都講出咗重點，老公豬豬「都冇得落場踢」，咁仲擔心咁多做乜？

窮忍．冇波睇

香港霸權橫行，當然唔少得電視霸權。因為免費電視不思進取，用師奶劇博收視，完全唔去考慮引入提升節目質素畀人放眼看世界。收費電視就虛位以待，打橫嚟行，波民任人魚肉。不過，道高一尺，多得網上串流技術，打破收費電視嘅缺口，睇波唔使搞到好似排街症咁。全港窮Ｌ站起來！網上共產主義萬歲！

賭波救國

呢位網民真係看透世事，仲寫埋劇本，只要決賽西班對希臘，齊齊瞓身買希臘贏，西班牙上半場先贏四粒，引賭仔入甕，谷大個數，下半場輸番四粒，最後射失埋十二碼，政府不如招佢做副局政助，七一即上任，務求短期內解決二樓「窮忍‧冇波睇」嘅問題，化解吓啲社會怨氣，至於會唔會變做一樓「老婆老公矛盾」就後話啦。

就係咁爆：一年容易又放榜

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！