父親節啱啱過去,不過有啲爸爸就唔好彩,恒基地產主席李兆基(四叔)長子李家傑係三胞胎之父,本嚟可以同三個已經兩歲嘅得意BB共度溫馨節日,偏偏家傑感冒發燒,當日要同愛B隔離,好彩有爺爺四叔「頂更」湊孫。
講到三個精靈BB,佢哋已經牙牙學語識叫爸爸,仲合力畫心意卡氹爸爸開心添。而緊張仔仔嘅家傑為免BB受感染,被迫匿埋房間自我隔離,湊仔任務都要交畀細佬李家誠及弟婦徐子淇。
李家傑(左)三個B已經兩歲,但父親節當日家傑感冒發燒要刻意迴避。