政壇：踢走李國寶波哥有位

九月立法會換屆選舉，早有傳言指多名提名咗唐英年嘅建制派立法會議員冇運行，其中一個係保險界陳健波，疑似對手正係挺梁振英嘅中銀人壽執行總裁蔡中虎。不過，最近有消息指陳健波有得留低。

波哥○八年當選保險界議員要經過第二輪點票，最後以六十票對五十二票擊敗主要對手蔡中虎，據聞蔡中虎係CY嘅舊同學，喺特首選舉中一直力挺CY，CY當選後更邀請佢站台一齊慶祝，難怪有人話蔡中虎九月接棒機會高。不過，最近政商界傳出蔡中虎可能會被勸退。

消息話件事可能同金融界嘅李國寶被港區人大代表吳亮星踢走有關，因吳亮星同蔡中虎都來自中銀，前者負責銀行業務，後者就做中銀人壽，但同一個體系及機構出兩個立會功能界別議員，恐惹中資企業霸太多位指摘，因此需要作出取捨。睇番李國寶出名係立法會大懶蟲，反觀陳健波就出名勤力，取捨之下梗係天道酬勤喇。