SUN微博：黐筋網相：搵食啫!犯法呀?
小編近日見到一批舊同學正因為母校「河蟹」咗佢哋掛喺校園嘅民主女神像而鬧得沸沸盪盪，仲話要長期抗爭。其實佢哋會咁諗，無非都係因為佢哋未了解到呢間大學嘅本質。作為一間學店，最重要嘅當然係業績同埋營運，換言之就即係大學排名同埋盈利啦。
中國呢塊肥豬肉我哋吼咗咁耐，你班友仔喺七一之前搞埋啲咁嘅嘢，咁即係擺明掃我場，阻我搵食啫。小編見到呢位舊同學仲話咩堅信大學係言論自由嘅最後堡壘，咁好明顯係佢仲未接受到呢度只係一間賣學位嘅學店呢一個事實啦。其實，「又一城大學店」遠近馳名，阿核能專家校長更加係排名至上，利益行頭。學周星馳話齋，有着數嘅話，老竇都點到佢慌呀！何況只係一個民女？一定點化佢啦！
