政壇:政商定格:花旗慶200周年社區送暖
為慶祝公司成立二百周年,花旗集團喺上禮拜六搞義工日,全球九十二個國家有成十萬名員工同時參與義工活動,幾名亞太區高層亦透過連串活動,送暖到基層社區。
歐國盃熱潮席捲全城,花旗集團亞太區行政總裁卓曦文率領公司員工落場踢咗場慈善足球賽,但踢波係其次,籌款先係最緊要,佢哋仲攞咗個最高籌款隊伍獎添!
冇見一排嘅環球個人銀行服務行政總裁及總經理Weber盧韋柏舊年啱啱做咗爸爸,可能佢對湊女特別有心得,所以揀咗去幼兒園,同班天真可愛嘅基層兒童歡度周末。嚟緊呢個禮拜六就係端午節,香港商業銀行主管郭炬廷就帶埋應節物品,四出探訪基層。
盧韋柏選擇去幼兒園,同班基層兒童歡度周末。