政壇：政商定格：潮商青委拉隊參觀立會
曾任中央政策組非全職顧問嘅潮州商會青委主任Johnny陳光明，日前拉大隊踩入新立法會大樓，當中唔少潮青都係首次到訪，其中青委副主任Anven胡炎松帶埋大仔Kelvin胡競麟同細仔Ivan胡競文出席，佢哋拍埋似足三兄弟，Anven真係駐顏有術。
Johnny話以前因公職經常要出入立法會，至今依然關心政制發展，不時向政府提供意見。佢好鼓勵一班潮青多啲了解香港政策，但問到商會有冇打算栽培年輕人入政界，佢就強調潮州商會係一個商會，唔好講政治喎！
靚女潮青副主任Moray林月萍笑言，潮州人之所以遍布世界，全因潮州人獨有嘅「海洋文化」，即係充滿冒險拚搏精神喎！
陳光明（前左三）帶領一班潮青參觀立法會新大樓。
胡炎松（右起）同兒子胡競文、胡競麟和女友首次踏足立法會。