政壇：建制派BBQ飯局慶剪布

今年五月肯定係班建制派議會生涯內最難忘嘅一個月份，事關喺審議議員出缺安排時，人民力量黃毓民同陳偉業逾一千三百項修正案，搞到佢哋淨係撳掣否決修正案都撳到手軟。為慶祝拉布戰落幕，建制派除喺草案三讀通過嗰日開香檳外，佢哋尋日仲喺深水灣高爾夫球會聚餐，仲預先講明晚餐「只談風月，不講政治」喎！

餐飯由經濟動力Jeffrey林健鋒埋單，佢話之前拉布拉到冇啖好食，於是約埋食番餐好啲嘅補數。同佢哋一齊大歎烤羊、烤豬同飲紅酒嘅，仲有打慣交道嘅政制及內地事務局局長譚志源、副局長黃靜文、財經事務及庫務局局長陳家強。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

建制派議員尋日一齊BBQ，慶祝拉布戰落幕。