誰明老師心：臨急攞貼士？車毀人亡！

學年試已展開，雖然我不喜歡學生「臨急抱佛腳」，但我都不會袖手旁觀。除預約課室當自修室，預備零食侍候，更全天候當書僮伴讀。不過，我卻遇到另一個難題：

同學A：「搣匙，今次會唔會出邊啲同邊啲o架？」

同學B：「考試呢，有冇啲咩貼士咁呀？講多啲嚟聽吓！」

同學C：「有咩方法係最快將啲資料記入腦o架，教我！」

「激死我啦！」英文科老師抱怨：「你班學生日日嚟攞貼士，上堂講又唔聽，平時又唔肯花時間打好基礎，淨係諗住走捷徑！」

這班小朋友真是傻得天真，急功近利只會令他們車毀人亡。香港的教育制度令學生成為考試機器，也令老師陷入大恐慌。學生只有狂操題目才有安全感。我不怪學生問貼士，只慨嘆還能花多大力氣糾正他們的心態。

「無o架，我會一句窒埋去『攞貼士？即係你冇信心讀識晒啦，懦夫！』呢招幾work！」我苦笑。