「拆細轉售難」隨時損手爛腳

【本報訊】「拆細容易轉售難」。每逢樓市暢旺，都有不少投資者將大舖拆細轉售，由於涉及金額較細，往往吸引小投資者購買；不過若商場人流少，生意欠佳，當想轉售時會十分困難，原因是業權分散，很難取得所有業主同意，此外，舖位價因地產巿場轉差，更可能慘成負資產。

定位不清 愈做愈死

雖然「381廣場」的業主收購價只能達買入價七至八成，但有熟悉商場舖的地產代理認為，這已是不幸中之大幸，因為要過百名業主同意，達至百分百成交十分罕有。「商場旺梗係無問題，好似旺角先達呢啲場咁，可以收租，等錢使賣咗佢一定有人承接，但唔好彩買咗個死場，真係唔知點算好。」佐敦區一名地產代理表示，不少商場在市場旺盛時會拆細轉售，蚊型舖的買家大部分為小市民，一心以為買舖投資，如商場定位不清，加上管理差及業權分散等因素，隨時愈做愈死。

「你開間舖諗住賣化妝品，點知隔籬開間藥材舖，個場又點會旺呢？」該名代理直指「佐敦廣場」正因上述因素，一直做唔起，情況較「381廣場」更惡劣，故此，小市民投資商場舖位要加倍小心。