SUN微博：黐筋網相：笑甚麼，你也曾經是樹苗
唔知邊個講過話孩子係樹苗，係珍貴嘅財產，要好好培育。咁到底我哋係點樣培育呢班小樹苗o架呢？呢幅圖或者可以解答到你。睇吓呢棵初嚟報到嘅小樹苗，係幾咁有朝氣，幾咁有活力，就連頭上嘅綠葉，都光澤盈盈，青春煥發。接受咗教育之後？咪一個二個名副其實木口木面，癡癡呆呆坐埋一枱咁囉。到底我哋嘅教育制度除咗將我哋變成唯命是從、得過且過、有思無心，人生一亂樣之外，仲有咩貢獻呢？睇完幅圖，覺得過癮之餘，小編亦奉勸閣下照一照鏡，係咪木晒？講緊麻木個木呀，唔好真係成碌木咁啦。
