政壇：SUN人論壇：誰敢廢丁權

全香港最好打、坐硬特區第二把交椅嘅林鄭月娥早前話二○二九年之後，新界男丁再沒有丁權。林鄭你聲稱廢丁權只係個人思考，純屬「吹水」，但吹水吹水，吹縐一池春水，干卿何事？

由港英政府到特區政府，歷任官員都唔敢掂丁權問題，可見茲事體大，牽涉到幾十萬新界人嘅利益同感情問題，廢丁等同絕人子孫，罪犯滔天！

再講，二○四七年之後啲新界人無屋住，樓價咁貴又買唔起樓，咪一齊排隊輪公屋囉，到時人人等十年都上唔到樓，民怨沸騰，七．一又多幾十萬人上街，造成政府市民雙輸局面，大家攬住死咁又為乜呢？林鄭你係咪想分裂香港添煩添亂？

若廢丁權政策真係落實，新界實暴動都似。我有理由相信解放軍裝甲車入昂船洲軍營stand by，就係為咗呢單嘢。

本欄逢星期日見刊。園地公開，歡迎學生就時事局勢發表意見。請附上院校及個人資料，電郵至sunmanforum@gmail.com