SUN熱辣：設會員制買機變傳銷
「你介紹多啲人嚟買，隨時賺大錢！」呂先生（化名）拿着WiFi破解器得戚地說。他對扮作顧客的記者表示，由於破解器可作犯罪用途，一旦曝光就會「見光死」，故不能公開宣傳。為增加知名度，呂自創一個類似傳銷推銷的絕技，設立「現金回贈」方法，吸納會員，發揮人傳人的威力。
他滔滔不絕地講解推銷方法：「只要你買咗部機，跟住留低電話、姓氏，就會成為我哋嘅會員。會員唔單止可以得到我哋最新嘅產品資訊，而且每介紹一個人買部機，仲可以有一百蚊現金回贈！」以破解器每部八百九十八元計算，會員只要介紹九個人購買即可「回本」，十個人起更「有錢賺」。
臨離開前，呂更邀請記者一同擴大其業務「版圖」：「呢部機真係掂o架，如果你哋有咩諗頭，可以講出嚟，有錢齊齊搵！」
呂先生（化名）向市民講解破解器的使用方法。
破解器運作個多小時後，即破解到記者所設的十四個位的密碼（紅框示）。
整套破解器包括接收用天線，及附有驅動程式的光碟。