政壇：政商定格：藺常念籃球隊誠徵高佬
第七屆「金融精英盃」籃球總決賽早前圓滿結束，今年滙豐銀行憑四十二分捧走冠軍盃，而由香港專業財經分析及評論家協會組成嘅「狂牛隊」就只能以三十五分屈居亞軍，另外恒生就拎到季軍。
身為搞手兼狂牛隊隊長嘅靈獅控股董事總經理藺常念就話：「因為狂牛隊有個六呎六吋高嘅中鋒受咗傷，所以今年場波打得好辛苦，依家拎到亞軍都算係雖敗猶榮喇。」佢又笑言，打籃球賽冇個高佬坐鎮真係輸蝕好多，所以之後一定會喺金融圈內物色高佬，然後誠邀佢加入，以增強狂牛隊嘅實力喎！
今年新加入比賽嘅花旗銀行，實力亦非同小可，同「恒生隊」激戰一輪後，最尾以三十五分比五十一分輸咗，只能拎個第四名。
靈獅控股董事總經理藺常念（右七），將冠軍盃頒畀「滙豐隊」。