SUN微博：打橫嚟講：有人縮骨過曾雀屎

自由黨嘅劉健儀，我真係忍你好耐矣！每次見你的髮型與世衞馮富珍那般高聳亮相時，原本好好笑的，都被你的言論和聲調搞喎晒！

何解，你次次喺電台講嘢，都只准有你講冇人講，當別人講緊嘢時，你總愛加把聲插落去，毫無家教，Be Li Ba La，兩聲重疊，一輪嘴嘈到唔停，死唔斷氣，唔知仲以為係三八企喺廟街口嗌街咁款，真係超級極之厭惡！

嗱！你咁嘅撚（雀）樣，已經不是第一次，而係好多鑊o架啦！好心自由黨的同志們困住佢，唔好畀佢通街走，周圍搞臭晒出醜啦！

嗱！就前日之嘛！劉女士喺商台節目表明要否決議員李永達在立法會「內務委員會」裏，提出「不信任特首」的表決，更不停口交鋒，連主持人黃永再三喝止也不得要領，話要「熄佢咪」；佢係要嘈到唔畀人回應，或不讓人說個明白，佢最想聽眾熄埋收音機，便得逞了！

喂！議員提案「彈劾」或「表決」不信任煲呔，此乃全港市民的渴求，你個婆娘，做乜春喺度擋駕保貪曾呀！你哋有乜路數？

你日前不是在鏡頭前抽水大罵曾蔭權天理難容o架咩？為何依家又反常包庇？是精神分裂？定係心理不平衡？

唉！其實，佢真係有病，一面扮開明，一面又要保皇，好似早輪支持「反拉布」，當眾絕食，點知不一刻鐘，又扮心臟病，仲話要入ICU咁嚴重，其實側側膊鬆人，仲縮骨過大貪曾雀屎！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

就係咁爆：事頭婆，你好嗎？

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot