SUN微博:Sun畸事:Poor Guy!有跣嚟嘅?
亞記與無記曾經是一對打死不離的沙煲兄弟,彼此許下誓言,面對有跣用轉播倫敦奧運的利誘,絕不投降。但世事又豈能盡如人意?亞記抵擋不了利誘,背信棄義,私底下向有跣叩頭,成為本港唯一轉播倫敦奧運的免費台……
亞記:亞洲!亞洲!亞洲!亞洲!
無記:你仲有面見我?!
亞記:無計啦大佬,有跣畀成200分鐘廣告我,廣告部業績狂升幾千個巴仙,好難唔跪低囉!
無記:但係佢要播九成有跣廣告同節目,簡直好似列強瓜分中國咁,係喪權辱國,係不平等條約!
亞記:無所謂啦。
無記:吓?說好的編輯自主呢?言論自由呢?
亞記:笑甚麼,大家都無。
無記:咁樣仲使鬼夾份阻住發免費牌咩?有跣搵你幫佢播就得啦!
亞記:我好明白,但我都係唔介意。
無記:奴才!唔怪得你無人睇!張加輝話「X街,X視嚟嘅?」,真係鬧得你無錯o架!
亞記:哈哈哈!傻仔,呢個情況我一早預咗!
無記:吓?
亞記:依家佢再開我個台,只會當咗係有跣,睇佢仲點鬧?
無記:凸=.=凸
(花生友如有對號入座,請食自己)