SUN世代：呢隻開荒牛炸彈也不怕

「做人需要不斷向前，尋找出路；堅持信念，才會成功！」一個不變的硬道理，對黃志奇（Ben）而言，較一般人感受更深。當年父親身體抱恙，大學剛畢業，便被急召回港接管家族成衣生意；掌舵還未站穩腳步，再遇上經濟轉型，製衣業步入「夕陽時代」，光輝不再。惟他未輕言放棄，於其他範疇發展新方向，終創立本港首個運動飲品自家品牌。

十六歲負笈海外，Ben於加拿大多倫多大學修讀工業工程系，並計劃畢業後留在當地發展。「臨近畢業已經諗住做Business Consultant（公司顧問）；呢份工當年喺加拿大非常吃香，會有好好發展機會！」惟接獲父親抱恙的消息，幾經考慮，決心放棄原本計劃，九六年回港接管家族生意。「雖然依家工種與原本理想唔同，但為咗爸爸多年心血，都唔計得咁多。」

「起初接手，好多嘢都唔識，加上當時製衣業正走下坡，工廠紛紛北移或轉至東南亞。」為幫助公司盡快開設東南亞地區的工廠，他充當「開荒牛」，每年都要到孟加拉工廠駐守。異地工作除考驗其體力，更有不少人生體會。

幸福非必然 凡事要珍惜

他憶述，某日凌晨，孟加拉工廠外有工會遊行，遊行人士情緒失控，廠外突然傳來轟隆撞車聲，緊接是汽油彈燃燒時的熱力。面對如此驚險的一幕，常人只會想逃離危險地帶，但Ben選擇克服內心恐懼，繼續與工人留守。「作為開荒牛，而且係公司嘅前線人員，我點都會守住工廠，唔會輕言放棄！」幸好，遊行隊伍未有遷怒於工廠，未有造成傷亡，但這個經歷卻令他感受至深，「幸福非必然，凡事要學懂珍惜」。

以為大難不死，必有後福。但○一年美國發生九一一恐怖襲擊，全球經濟大受打擊，間接令本港製衣業加速「夕陽化」。面對前景不明朗，Ben再次發揮永不言敗的精神，轉戰飲品代理，決心走出另一片天！機緣巧合下，他認識了兩名80後。

「時下年輕人真係好多諗頭，當日佢哋喺足球場踢完波，一個手執膠樽，一個手執報紙。傾傾吓，佢哋就諗到將兩者結合，用報紙上文字，作為茶飲品樽身包裝。」雖然設計概念嶄新，但飲品市場競爭劇烈，新設計未獲大眾歡迎。Ben改變銷售策略及公司方針，繼而轉戰運動飲品。

「世事難料，以為嶄新包裝茶飲品行得通，點知反應一般。反而本來對運動飲品無咩太大期望，竟然有意外收穫，仲愈做愈好！」未來日子，Ben希望透過本地飲品品牌，加強市民對香港的歸屬感。「世界上從來無不勞而獲，只要積極面對人生，自然就會找到要行嘅路！」

Ben's Profile

學歷：多倫多大學工業工程系學士

職位：永利保有限公司總監

公職：善施慈善基金會有限公司名譽會長、中國博愛基金會駐香港副主席、香港手球總會副主席暨中國香港男子手球隊領隊、香港廣西商會常務理事