政壇：政商定格：張樹槐攻克珠峰馬拉松
本身係馬拉松健將嘅恒生助理總經理Walter張樹槐為港爭光，成功挑戰世界第一峰嘅珠穆朗瑪峰，亦係首名港人成功完成珠峰馬拉松呢項挑戰，而賽事舉辦十年來，亦只有約一千人能夠成功完成。
Walter話賽前要同其他參賽者到尼泊爾適應高原環境，期間要參與十四日嘅登山之旅，最高點約為海拔18,200呎，之後仲要步行80公里去到出發點嘅基地。佢話：「單係行去基地都已經相當艱辛，沿途空氣稀薄，天氣寒冷，長時間刮強風，多位選手都因為高山反應而中途退出，而我都多次於雪地上滑倒。」喺-5度嘅山頭餐風露宿，又點會有覺好瞓呢？唔怪之得，佢返港瘦咗成個圈。
張樹槐成為首位成功挑戰世界第一峰的香港人。