公共醫療醫生協會同政府醫生協會尋晚舉行二十二周年聯合晚宴，有「每周一鑊」之稱嘅食物及衞生局局長周一嶽都有出席，而佢喺致辭時話唔想講太多喇，想留番重要嘢畀下任局長講喎！仲爆料話現場有位冇打呔嘅醫生，就係下屆局長。現場人士即刻望住大熱人選高永文，原來佢真係冇打呔。周一鑊唔知醜自爆冇得留任，但就搞到高永文好尷尬。
既然周一鑊主動爆大鑊，預告下屆局長人選，在場班醫生喺完場後只同高永文握手兼「咬耳仔」，老友鬼鬼，反而周一鑊就冇乜人理佢，自己孤伶伶一個喺場邊發霉。
高永文
