非牟利背後攞盡着數

【本報訊】哈羅國際學校享有免稅優惠、政府的免息貸款，更以租金一千元的「超筍」價獲得靚地皮，但學校背後其實另有「管理公司」負責營運，「管理公司」賺多少卻不在規管之內。有學者直指哈羅可以慈善團體名義享有各式各樣的支援，在政府監管疏鬆下，有人可以藉此榨取公共資源，從中獲得更多利益。

「哈羅喺外國係私立名牌學校亦係牟利，用公家地、公帑支援建校，本身已經唔適當。」理工大學應用及社會科學系講師張超雄指出，現時於稅局註冊的慈善團體需每年向稅局呈交財務報表，不過稅局只是抽樣檢查，監管寬鬆，加上團體毋須將報告主動公開，透明度近乎零。

「如果佢係一盤生意，（政府）來回就蝕好多啦！」張直指，補助機構若有慈善團體身份，除享免稅優惠外，更可取得珍貴的社會資源，例如可申請於公共屋邨開設辦事處，又或以象徵式租金租用土地，並且可申請形形色色的基金取得資助，「我哋使唔使動用咁多資源，去服務一小撮非富則貴嘅人呢﹖」根據現行條例，成立獲稅局豁免繳稅的慈善團體手續不難，但須每年向稅局提交財務報表交代財政狀況。