政壇：政商定格：又一山人開紅白藍概念店
紅白藍袋係好多香港人嘅集體回憶，著名藝術家又一山人，繼幫候任特首CY梁振英設計競選「齊心」標誌、橙色制服等文宣同物資後，近日又幫新生精神康復會營辦嘅社會企業，設計多種潮物。
喺十幾年前，又一山人首次為老土嘅紅白藍注入新生命，掀起一陣熱潮，為佢贏得「紅白藍之父」稱號。今次係佢首次同社企合作，喺太子道西花墟開設全港首間紅白藍主題概念店「紅白藍330」，銷售象徵港人堅毅不屈、拚搏精神嘅紅白藍衣物、杯碗、手袋等家品，店內仲加設本地設計師麥雅端嘅Chocolate Rain百家布系列等精彩產品，至啱潮人一族買嚟送畀外地親友或自用。
又一山人
又一山人最近同社企合作營辦「紅白藍330」概念店。