SUN熱辣：心理學家：內容幼稚無根據

本報將戀愛學課程片段交予心理學家分析，認為課程宣揚了不正確的價值觀，例如要求男學員將自己當成產品，要提升質素才能有更好的女性緣；另課程不少理論都無根據，呼籲消費者小心選擇。

觀看過課程影片的臨床心理學家葉妙妍表示，內容屬幼稚園級數，愛情不能靠估靠撞，應多溝通。此外，課程找男學員扮女性做角色扮演，也不恰當：「男學員如何去做出女性反應？學員點會學到嘢？」

葉直指，課程宣揚不正確價值觀：「課程就像一個工廠，讓所有男仔忘了自我，倒模製造一個能夠成功向女性搭訕嘅模樣，最終人人講相同對白、反應，壓抑自己情緒，猶如做戲一樣。」

關於實戰部分，課程多集中於男學員在街頭搭訕，葉說：「畀你拎到好多電話又點？同你喺街執到部電話，入面有好多電話號碼有咩分別？」至於相處技巧，例如觸碰法則，她說：「關係嘅發展，到適當階段就會自然親密。如果夾硬去觸碰人，只會令女仔覺得你急色，怕你、嬲你，有些女性即使唔願意，但唔會喺男仔面前出聲，但背後可能去咗報警。」