SUN熱辣：「佢唔想有性，就愈要發生」

「女仔十個有九個半都唔認同呢啲（追女仔）技巧，但事實證明係WORK㗎！」導師尹思騰稱，課程是男人間的秘密修煉，傾談中常會夾雜圈內術語。課室裏的事不會向圈外人洩漏，尤其是女人。

戀愛學課程除教授觸碰法則外，理論其中一段是有關「偷心」與「馴服」，導師告誡男士，「表白衰硬！正如賭枱上開咗底牌，仲點會贏？」而要馴服對方亦有不少捉心理伎倆，「如果個女仔成日講唔想同你有（性）關係，你就愈要同佢發生，最着緊個樣都畀咗你，佢就會好into（被馴服）你！」

為了裝備學員面對緊接的街頭實戰，導師教授獲取電話五部曲，首先是講開場白，然後從她身上例如衣着找話題，繼而讚美她有內涵，延續話題後，即向對方提供下次約會理由，順理成章把自己手機交給對方，讓她輸入手機號碼。

學員異口同聲認同課堂理論有效，其中一名學員Haley（化名）更聲稱在報讀課程後，在街頭成功結識異性，擺脫毒男生涯，但卻對家人和朋友隱瞞學員身份。不少人向記者要求用化名、聲音處理、戴帽換衫，言語流露擔心，「嗚呀，我真係無諗過畀身邊朋友知道我上呢啲堂會點？」