SUN微博：打橫嚟講：貪曾累死梁營新班子

貪威識食愛擺款出風頭的粉皮曾蔭權，在被踢爆接受富豪招待之際，還敢無視民怨，不理祖宗十八代被X交叉Y，公然行使特權，要香港文化博物館提早開場，讓佢單拖獨家鑑賞畢加索真迹，除出動館長貼身款待外，仲慳二十大元，唉！甚麼仆街冚家鏟正躝癱佢老母等辭匯都不足以唾罵此人渣時，我們小市民仲有乜話可說呢？

詩人北島名言：「卑鄙，是卑鄙者的通行證。」曾蔭權有無限的通行證啊！

曾蔭權之卑鄙劣行，長遠而言，不單止讓佢可以遺臭萬年，短期更累得下任特首雞毛鴨血，在人手不足情況下，本來，喺現任班子裏選留一啲無咁乞兒無咁低B嘅弱能兒充撐吓，捱過七月一日都好啦！點知，煲呔特登谷爆呢個深水炸彈，讓全港市民警醒，要求「有關當局」徹查所有在職的政府高官，睇吓佢哋有無曾經以權謀私，或準備扮撤退，攞「延後利益」，尤其那些牽涉金融股市相關敏感資料的官員，統統一件也不能放過，甚至土地規劃、舊區重建或房屋政策等經濟效益巨大的機密方案，若知情者，心存貪念，聞風先至，依家，想繼續幫振英哥打江山，也得拿拿臨龜縮快閃，在未出事前消失政界或離港移民，走為上着。

唔好畀我批中，家陣，振英哥手上的班子名單，應日日要更新，未到七一，仍未confirm哩！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

就係敢爆：關於敏感詞，你還敏感嗎？

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot