芭蕾舞家王仁曼同女兒陳靜儀尋日現身一間珠寶公司嘅傳媒午宴，王仁曼話依家正忙於為佢嘅芭蕾舞學校喺八月舉行嘅「明日之星」活動做籌備工作，又好興奮咁表示：「到時芭蕾舞神童林雋永都會返香港幫我哋演出，我哋個劇目係《睡美人》，佢會飾演王子。」
咁林雋永有冇進步呢？王仁曼話：「佢去咗法國九個月學舞，已經講得一口流利法文，我早前同埋學校嘅家長去法國睇佢表演，佢嘅舞藝進步咗好多。」
王仁曼（中）同女兒陳靜儀（左）一齊現身傳媒午宴。
