SUN世代：哥哥管廠務 分憂無顧慮

幹勁十足，諗頭多多，在Albert眼中，哥哥William是打不死。比Albert大五年，William完成博士課程後便負責打理廠房，處理突如其來的不同問題，例如：原料不足、人手不夠等，他都能逐一化解，確保生產線如常運作，令Albert無後顧之憂，放心接洽新項目。

而廠房對Albert來說，是個充滿壓力的地方，他說：「因為好多事都會影響生產，唔可以如期出貨。」同場，William隨手拿起一件模型舉例說：「呢件模型就有五、六十件配件，過百項工序。只要一件配件缺貨，或者有次貨，就會全部人坐喺度。有時會差幾件，埋唔到尾，所以要控制得好好。」

Albert更形容，哥哥全心全意放於廠務上，「他日日都巡廠，一返公司行一次，開完會又巡多次，工人見佢日日巡，都唔咁偷懶。」Albert更笑說，有次朋友來找他們吃飯，吃到一半，哥哥說要回廠看看便離開。在旁的William忙不迭解釋：「咪亂講，只係一次半次咋，如果唔係以後無人搵我食飯。」