SUN微博：打橫嚟講：天生一世狗奴才

那個冚家要查的香港第一大貪官曾蔭權Poor Guy，豪花港人血汗金錢，四出吃喝玩樂，視法紀如無物，貪盡海陸空，本人一直呼籲先拉Q佢入冊，咪畀佢再周圍滾之餘，也不讓他借外訪之名，出埠處理在外的資產，並提議有關部門替我們香港人徹查呢個仆街做特首前的三十幾年來，有無其他貪腐劣行！

如斯證據確鑿，亂使公帑，應予彈劾啦！點知，世間，真有人很狗奴才，無視正道，竟將責任攬上身，請纓護短咁卑賤。

那個只做咗煲呔近身八個月的小太監特首辦主任梁卓偉，是第一個撲出嚟話願為特首大花筒惡行，負全責喎！話口未完，另一件超討厭的宦官前特首辦主任譚志源更加碼說自己服侍煲呔兩年，論「功績」，佢應負雙倍全責，×你哋兩隻家犬咩？口講實不惠，你哋負乜Q責呀？幫手賠錢？革職？自閹定吔屎呀？

另一件宮女更醜怪，乃煲呔私人秘書甯漢豪，當年曾在立法會以「作為子女媽媽」批評長毛講粗口，得以上位，今次，竟扮狗擋子彈，指特首對外訪住宿，一概不知情，沒要求喎！吓！你唔Book唐人街嗰間歡樂小築畀佢同老婆過夜？又明知煲呔畀《太陽報》揭破佢「吃勻省港澳」之際，你仲讓佢住五萬幾蚊晚的總統套房，擺明害佢啫！如果你個女問你：點解你哋三個咁狗？你點答呢？

香港納稅人畀咁多錢，養咗啲乜貨色嘅稀世品種呢？今劑一眼見晒！死未！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

就係咁爆：關於敏感詞，你還敏感嗎？

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot