政壇：蒙德揚愛恨兩大發明
尋日喺馬場見到信興集團副主席蒙德揚，佢話嚮往優哉遊哉嘅生活，只要公司基礎穩固，營運上軌道，咁去邊度玩都冇問題。佢酷愛喺外地跑公路賽，仲講笑話最不滿傳真機同互聯網呢兩大科技發明，皆因呢兩件法寶令佢去到天涯海角都難以擺脫俗務纏繞，工作時間大大延長，但呢兩件法寶無疑又令到工作更有效率，真係令人又愛又恨。
太子珠寶鐘錶主席鄧鉅明都話要去旅行唔使等退休，佢已經約好愛沙尼亞共和國駐港名譽領事林建康喺暑假一齊去歐洲坐郵輪。
佢話長江後浪推前浪，一定要畀機會後輩發展，公司至可以經得起激烈嘅競爭，但佢話太太好欣賞佢喺公司運籌帷幄、指揮若定嘅架勢，所以唔鍾意佢講退休喎！
蒙德揚對傳真機與互聯網又愛又恨。