SUN微博：打橫嚟講：梁振英民望下滑之謎

港大民意研究調查報告，顯示候任特首梁振英最新評分，只得54.3分，較兩周前跌了2.2分，支持度更由56%急降至46%，暴失10%，究其原委，除港大所講可能與他近期言論有關外，我觀察到，是振英的班底所累。

說是班底，不如直言係那個極度討人厭的羅范椒芬嘅責任。

市民對羅范婦人之不滿，相信振英哥早已知曉，故當選後也不敢名正言順畀個名分佢，但偏偏，奇奇怪怪的，又讓佢出嚟做臨時工短命種，硬推改組方案，可能由得佢死都無所謂啩！可惜，此小婦人扮好打得，四圍辣着火頭，又愛出風頭，連拉布戰中，亦無視身份卑下，竟闖入立法會議事廳內向官員咬耳仔，那怎會不出事吖？

日前，又主動撩交打，好似月經失調般狂躁，大拋江湖背語，話議員「玩嘢」。須知「玩嘢」一詞，乃低三下四的市井之言，在尊貴的議事廳內爆湧，十足十九龍城寨姑娘發爛渣，有失斯文。

更有甚者，羅范婦人卻反口狡辯，話「怕市民覺得議員玩嘢」喎！唉！你怎可以代表市民發言呀！你咁都噏得出，咪又累振英哥被人抽後腿，話佢只得689票做特首囉。又衰多一鑊！

振英哥本身好有能力，做到嘢的，只可惜，身邊有件比林公公更乞人憎嘅廢柴拖累！真替振英哥唔抵！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

就係敢爆：關於敏感詞，你還敏感嗎？

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot