SUN微博：Sun畸事：思歪妙答撳掣派
撳掣派議員與思歪共進晚餐，傾談間竟突然逼宮，提出多項條件，換取支持五屍十四命……
撳掣派議員：思歪呀思歪，唔係唔撳掣撐你，但係你唔阻止阿煲呔加問責官員人工，我哋好難向選民交代，係咪？
思歪：係就係，但你哋功能組別有幾多選民呀？
撳掣派議員：其實唔止凍薪撳！請多咁多人都仲撐你，我哋已經夠畀面，係咪？
思歪：尊貴嘅議員，其實我好明白，即係好似你哋唔嫌自己太多，一樣撐自己咁樣。
撳掣派議員：嗱嗱嗱，唔好以為我哋係鵪鶉黨呀，你咁唔合作，我哋會拉布o架，驚未？
思歪：你哋有四大懶蟲，唔流會先講。
撳掣派議員：竟然畀你睇穿我哋！
思歪：撳掣啦你！呢五屍十四命一定要死出來嘛！
（花生友如有對號入座，請食自己）