富商趙世光女兒趙式和尋晚出席台灣著名藝術家許文融嘅繪畫同雕塑展，佢話媽咪何琍琍擁有對方十多件珍藏，而自己亦有兩件作品。熱愛藝術嘅式和仲透露將舉辦老夫子藝術展，又大爆老夫子畫家王澤係佢媽咪嘅粉絲，佢又話：「我結婚時買咗一幅由王澤畫嘅老夫子畫送畀老公，因為朋友話我老公好似老夫子，都係一樣冇乜頭髮。」咁父親節會唔會送藝術品畀爸爸？佢話：「唔會，因為爸爸好貪靚，會送冷衫或者褸畀佢。」
趙式和欣賞許文融嘅作品。
