SUN世代：屋邨仔延續香港神話

舊日香港，一個個屋邨仔靠知識改變命運，被傳頌為香港神話。盧繼祥（Raymond）亦是當中一員，成就靠個人努力而來。但他明白今天新生代的處境，你我都未必可再創造多一次獅子山下的故事，他只望分享過去的經驗，能助年輕人走得更遠。

Raymond氣喘喘趕到，連聲抱歉︰「唔好意思，啱啱同PolyU（理工大學）班學弟學妹聚會耐咗，所以遲咗少少﹗」原來眼前這個六十後自大學畢業，一直在母校擔任學長，輔導學弟學妹面對就業問題。將快畢業的八、九十後對未來迷惘，學長以過來人身份開解︰「其實無得擔心咁多，我都唔係做緊我讀嗰行，都係摸住石頭過河咋﹗」

這是個典型的港人奮鬥故事，他出身於草根家庭，家住屋邨，起居開支已成重擔。升讀大學時，父母明言無力支持，「以前我哋講搵食艱難，唔係搵工難，因為真係連食都成問題。」他惟有在課餘時間補習、教夜校來供自己讀書。

遊歷各國眼界大開

在大學修讀商學，畢業後順理成章走進銀行工作。某天，一名銀行熟客問他︰「你想唔想走出去睇個世界係點？」Raymond畢業前未曾出過埠，這一問掀起他對世界的好奇，他於是離開安逸，跟隨這伯樂經營鐘錶出口生意。

趁後生到處飛見識世界，他到過不同國家搞展覽，瑞士、德國、土耳其和許多中東國家都有他的足迹。當時，他差不多隔月就要飛，雖然辛苦，但亦讓他認識各地的風土人情︰「在回教國家，當地人都好虔誠，每星期有段時間，佢哋可以放低做緊嘅嘢去祈禱，你要了解同尊重。」

肯搏肯捱的表現獲老闆賞識，Raymond未幾就成了市場部主管。他更管過界，走到工廠了解生產過程，對着年資比他長十幾年的老師傅每事問。初時，許多人以為這新紮主管麻煩多事，但虛心的態度令他們改觀，「我唔能夠用身份壓人，但做前線銷售，要了解產品先可以同客溝通。」

營營役役十多年，成就有如揼石仔般一步一步捱出來。二千年，他終自立門戶，開設禮品公司，專門為商戶製造禮贈紀念品。開業未幾，他就接到一張二百萬元定單。但巨額定單對他們來說，是機也是危。工廠幾次製造首辦，質素都不理想，客人表明「唔收貨」，廠房更想放棄。「但個損失唔只係無咗單生意，間公司更講明會出律師信，我地根本賠唔起。」

Raymond充當調解員，一方面與客戶保持溝通，另一方面着廠房繼續嘗試，最終趕在限期前，改良生產方法，成功交出功課。當跨過這個難關後，公司發展至今，業績穩步而上，不少化妝品牌、跨國企業都是公司客戶。

Raymond's Profile

現職︰希宏創建集團執行董事、進念文化執行董事

家庭狀況︰已婚，育有一子

公職︰滬港青年交流促進會副會長、九龍城區兒童合唱團副主席